هشام الجخ امير الشعراء الجديد

اعترافا منا بالموهبة الفازة للشاعر المصرى هشام الجخ و التى نتوقع له مستقبلا باهرا فى الشعر خصوصا وهو على مشارف فوزه بلقب امير الشعراء لهذا العام 2011 فى مسابقة تلفزيون ابوظبى 
علما انه حتى اذا لم يفوز بالمسابقة و هذا احتمال ضعيف سيظل هو امير الشعر فى مصر بلا منازع فى المرحلة الخيرة و القادمة ان شاء الله

سيتم تجميع كل القصائد الخاصة بالشاعر هشام الجخ سواء مكتوبة او مسموعة او مرئية  لنعرف كل العالم من هو هشام الجخ من قصائده واحاسيسه القوية الثورية

ايه هى احلى حاجة فى الدنيا ؟؟؟

ايه هى احلى حاجة فى الدنيا ؟؟؟

سؤال كنت ابحث عن ايجابته والحمد لله وجدتها و شعرت بها
ولن يحس بإجابتى الا المتزوجون حديثا و الله اعلم

احسن حاجة فى الدنيا انك تفتح عنيك تلاقى مراتك حبيبتك نائمة جنبك على السرير

احساس جميل جدا

اللى اتجوز حسه و اللى لسة اتمنى انه يحسه فى القريب العاجل ان شاء الله 

الجواز هل هو شر لابد منه ؟؟؟

كلما سألت احد من المتزوجون قديما او حديثا عن الزواج لم يشكر احد فى ذلك المشروع و كلا يشكو منه
هل لان الحياة بعد الجواز فيها كثير من الالتزام او التقيض او تحمل لكثير من المسئولية ام انها عادة ان يشكو المتزوج و خلاص
مش عارف بس اللى اقدر اقوله بالنسبة لحالتى الخاصة
ان التجهيز للزواج من شقة و عفش و الذي منه محتاج مجهود كبير اوى عشان المبالغ المطلوبة لذلك وان الجواز فى حد ذاته محتاج مصاريف كتير بس الصراحة مهما قال المتجوزين على الجواز برده الواحد مبيرجعش عن التفكير مش بس عشان شهوة او غريزة بس بجد عشان الواحد كان فاكر ان ما بعد الجواز جنة و ان الجواز هو تغير للوضع الحالى قبل الجواز من شقاء
يعنى انا قبل الجواز كنت فاكر ان الدنيا هتبقى حلو بعد الجواز فكنت بتعب و اجتهد كتير عشان استريح بعد الجواز بس و الله و انا لسة متجوز بقالى 20 يوم بس فعلا فى راحة كبيرة جدا من المجهود بتاع قبل الجواز عشان الواحد يجمع الفلوس عشان يفرش شقته دلوقتى الواحد برده بيبذل مجهود عشان يفتح بيته يعنى المجهود موجود موجود مفيش راحة بس المجهود فى شكل تانى و هدف تانى بس
يعنى الجواز مش غاية الراحة و لكن بداية لشكل اخر من التعب فى الحياة بس بجد تعب لذيذ عارفين ليه ؟؟؟
عشان التعب المرة ديه بيبقى ليه طعم خاص هيدوقه اللى اتجوزوا و هيعرف معنى كلامى و اللى لسة لم يتزوج اسعى انك تعرف معناه بعد ما تتجوز

نصيحة اخيرة
الجواز نعمة و نقمة
نعمة على من اختار صح شريك حياته و سعى ان يسعده ما بقى من عمره
ونقمة على من سئ اختياره على اساس مال فقط او جمال فقط لانه لن يشعر بالسعادة الا لفترة و ستزول