مما لا ريب فيه ان تقدم الامم يعتمد على المشاركة الفعالة لجميع افراد الامة الواحدة
لذلك قررنا ان تكون مدونة كلام مصر مش بس كلام عن كل مصر لا هيكون كلام من كل ابناء مصر يعنى اللى عايز يكتب كلمة او يحكى مشكلة او يوصف موقف او يشارك برايه هيكون ليه مكان فى مدونة كلام مصر لان كلام مصر لازم يكون من قلب مصر و قلب مصر هو شبابها شباب مصر.
يعنى لو واحد شاف موقف ومش عجبه فى الشارع او فى المترو او الكلية او المدرسة او التلفزيون فى احد البرامج و كان عايز يسجل الموقف ده و يبدى اعتراضه او موافقته على هذا الموضوع يكتب و ميخفش و احنا عندنا مكان ليه.
و لو واحد عايز مساعدة فى وظيفة فى استشارة فى طلب مساعدة من اى نوع يكتب و احنا هنحاول نساعده و نوصل صوته للمسئولين اذا حكم الامر.
واحد قاعد برة مصر و مش عارف ايه اللى بيحصل هنا ممكن يسأل على اللى عايزه واحنا كلنا نرد عليه.
او يكتب هو على الحياة بالخارج و ظروفها و معانتها او سهولتها .
والامثلة كتير اللى عايز يشترك يراسلنا على الموضوع هذا بإضافة تعليق وتوضيح طلبه بكتابة جملة
0 التعليقات:
إرسال تعليق