ام كيكى و الانتخابات

ام كيكى بتحكى عن يوم كانت قاعدة فيه هى واتنين من اهم اصحبها وكانوا بيتكلموا عن الانتخابات



وافتكرت ام كيكى اللحظة اللى اعلنوا فيها النتيجة و خسرت بفارق بسيط جدا عن المرشح الفائز و اللى طبعا كان (هلال) حوالى خمسة و عشرين الف صوت حيث حصل الفائز على خمسة وعشرين الف صوت(25000) من اجمالى خمسة و عشرين الف و اتنين صوت (25002)صوت يعنى ام كيكى مخدش الا صوتين فقط و طبعا صوتها واحد منهم طب التنى بتاع مين و كانت مستغربة جدا لانها كانت عملة دعاية كويسة جدا لنفسها كانت تقف كل يوم ساعة فى الميدان و تسلم على كل اللى يعدى من باب التعارف عشان يعرفوها (اصلها بخيلة شوية) واللى مخلى استغربها زيادة انها يوم الانتخابات كانت رايحة هى و صحبتها الاتنين الانتيم بتوعها (ام تيتو) و (ام زيكو) و الاتنين كانوا هيختروها طبعا غير صوتها يبقوا تلاتة ايه اللى حصل؟ده كان هيجنن (ام كيكى) يعنى سابت النتيجة كلها و ال 25 الف صوت الفرق بينها و بين الكسبان و مسكت فى الصوت التالت راح فين .


على فكرة (ام كيكى) متجوزة و عندها و لد واحد اسمه (حسن) و بنت اسمها (حميدة) و عن اسمها (ام كيكى) و من اين اتى؟ اوضحت (ام كيكى)فى حديث صحفى لجريدة (صوت الحارة) التى تكتبها (الست حسنية) كبيرة الحارة ان الاسم جاء من حبها الشديد للفنان (ليوناردو ديكابراوى) و اطلاقها اسم (ديكابراوى) على ابنها (حسن) اللى بدوره اتحرف بين عيال الحارة الى (كيكى) و اصبحت هى بعد ذلك (ام كيكى).


ام كيكى: انا اللى هيجننى ازاى اجيب صوتين فقط فى الانتخابات مش غريبة ديه يا ام زيكو وانتى يا ام تيتو؟


ام زيكو: انا مستغربة يا اختى احنا كنا رايحين مع بعض وانا اديتك صوتى يا اختى مش عارفة ايه اللى حصل؟


ام تيتو : اقصدك ايه يا ام زيكو انا اللى خنت ام كيكى و حياة ابنى تيتو انا قدتها صوتى .


ام زيكو : انا مش قصدى حاجة


ام كيكى : اسكتوا انتوا الاتنين انا هعرف مين اللى عمل كدة بطرقتى بس اللى هتطلع عملها فيكوا انا هفرجها ام كيكى ممكن تعمل فيها ايه اه انا ميضحكش عليا.


ام تيتو : اوعى يكون كلام ام زيكو غيرك من نحيتى يا اختى .


ام كيكى: متقلقيش يا ام تيتو دا احنا عشرة عمر.






الباب بيخبط عند ام كيكى و يقطع الكلام فى الجلسة المغلقة:


طك طك طك


ام كيكى : مين؟


زيكو : انا زيكو ماما موجودة؟


ام زيكو : عايز ايه يا زيكو


زيكو : راجل جايب النص التانى بتاع الخمسين جنيه بتاعت يوم الانتخابات و بيقولك شكرا على انك ساعدتينا فى الانتخابات


ام كيكى : مين الراجل ده ؟ (و بدأ الشك يدخل فى نفس ام كيكى من ناحية ام زيكو)


زيكو : الراجل اللى قلك ادخلى و ادينا صوتك و خودى خمسين جنيه نصها دلوقتى و نصها بعد النجاح


ام كيكي : مين الراجل ده يا ام زيكو ( و الشر يخرج من عنيها)


ام زيكو : ده ..ده ... ده راجل كدة قبلنى يوم الانتخابات و قلى ادينا صوتك و خدى الخمسين جنيه ديه


ام كيكى: بعتينى يا ام زيكو.


ام تيتو : شوفتى مين اللى باعك يا ام كيكى بخمسين جنيه باعتك ( بتحاول تهدى النفوس)


ام كيكى: شوفى بنت الايه و قاعدة معانا وكانها مسكينة وغلبانة و معملتش حاجة.


ام زيكو : اصبروا و اسمعوا اولا انا مبعتكيش يا ام كيكى ثانيا اهدى يا حقنة ( الكلام لام تيتو) يا ام كيكى كل الحكاية انا جالى واحد من اللى مرشحين نفسهم فى الانتخابات عمال و كان عايز صوتى و انتى عارفة ان الواحد بيدى صوته لواحد فئات وده ادتهولك و واحد عمال للى دفع الخمسين جنيه.


ام كيكى: مش تقولى كدة ان بعض الظن اثم . بس ده ما يمنعش ان انا ليا نصيب فى الخمسين جنيه برده.


ام زيكو : ليه ان شاء الله


ام كيكى : مش انا اللى صاحيتك من النوم سعتها و قومتك من السرير بجردل المياه الساقعة عشان تروحى تنتخبى ابقى انا السبب ولا لا


ام تيتو: عندك حق يا ام كيكى (الحقنة لسة شغالة)


ام زيكو : عندك حق يا ام كيكي ؟! (موجهة كلمها لام تيتو ) بصى يا ام كيكى انت اه صاحتينى بس ده صوتى و ده ثمنه


ام كيكى: هو لو مكانتش واحدة فيكوا خانتنى مش كان زمانى فى المجلس دلوقتى و ظبتكم و الخير كان هيجى علينا كلنا


ام تيتو : عندك حق يا ام كيكى


ام زيكو : وبعدين معاكى يا ام تيتو انا بتكلم مع ام كيكى دلوقتى انتى مش هتبطلى شغل الولعة اللى بتعمليه ده


ام تيتو : انا بقول الحق صح يا ام كيكى


ام كيكى: صح يا ام تيتو


ام زيكو : عموما انا هعزمكوا على حاجة من الخمسين جنيه تحبوا نجيب ايه؟


ام تيتو :انا عايزة كشرى من على العربية اللى فى اول الحارة


ام كيكى: انا عايزة سندوتش باب غنوج من المطعم اللى تحتينا


ام زيكو : وانا عنيا ليكوا


الباب بيخبط تانى


طك طك طك


ام كيكى : مين على الباب؟






توقف مؤقت


انتظرونا لتعرفوا مين على الباب و الصوت التالت راح فين






حد يعرف الصوت التالت راح فين؟؟؟


اللى يعرف يخمن و ليه عندنا جائزة بجد