هى نتفق على عمل جماعى نقوم به بعيدا عن الحياة التى نقضيها على الفيس بوك للكتابة فقط او القراءة مع كامل التقدير للثواب الذى يعود منهما من حسنات ولكن الموضوع ممكن نستغله بشكل اكبر ازاى؟؟؟؟
اقولكم ازاى
نتفق على حاجة زى
افطار صائم و ديه بقى ثوبها كلنا عرفينه يعنى الواحد ممكن يصوم 3 رمضان او اكتر حسب مجهوده فى رمضان واحد
يعنى لو هتفطر كل يوم اتنين صائمين تاخد ثوابهم بالظبط دون ان ينقص من ثوابهم شى و ياسلام لو حد يكون محتاج يبقى الثواب X2 عشان هتفطر صائم و تطعم مسكين
و الموضوع بسيط عند كل الناس اللى قادر و اللى مش قادر ازاى؟؟؟
ممكن تعزم اتنين اصحابك من اللى انت عارف ان حالتهم مش ميسورة اوى
او انك تتبرع بثمن اكلهم لاى مائدة من موائد الرحمن
مش هتعرف مثلا ممكن تشترى عصير و توزعه على زميلك فى الشغل او فى مواصلاتك وانت مروح و تطلب من زميلك انهم يفطروا عليه و يا سلام لو مسافرين و مش هيلحقوا المغرب فى البيت يبقى حلال عليك الثواب
طيب مش هتعرف لاى سبب او لو انتى وحدة ومش هتقدرى تعمل كل ده ممكن تعبى بلح فى اكياس صغيرة بعدد فردى ثلاثة او خمسة و تعملى كذا كيس و تبعتى حد زى اخوكى جوزك خطيبك او ابنك يوزعه فى الجامع مثلا لو هيروح يصلى هناك المغرب او فى صلاة العصر يسبهم هناك او ممكن لو غلبتى و مش عارفة تبعتى حد اقفى فى الشباك و احدفى الاكياس ديه على المارة بس حولى تركزى على البنات او السيدات عشان محدش يفتكرك بتعكسيه ...!!!!
طرق حصد الثواب كثيرة ولكن يجب ان نجتهد فالعمر قصير و اللحظة التى تمر لا ترجع
ومن منا يستطيع ان يجزم انه سيعيش لرمضان القادم فاجتهد فى هذا الشهر كأنه أخر رمضان لك
اخوكم فى الله
صائم عطشان جداااااااا
0 التعليقات:
إرسال تعليق